276
REGISTRES DU BUREAU
[-55i]
CCLXXXVH [CCXXXVI]. — Procession solempnelle contre les heretiques.
27 décembre i55i. (Fol. 261.)
Du dimenche, xxvuc Decembre mil vc li.
Aujourd'huy, suyvant les lettres envoyées par le Roy à la court de Parlement, a esté faict une belle procession generalle de l'Eglise Nostre Dame de Paris en l'Esglise monseigneur Sainct Gervaiz; en laquelle a esté dit et celebré la grande messe par monsr l'Evesque de Paris en la presence de monseigneur le Legat, envoyé de nostre Sainct Pere le Pape, qui faisoit l'office, acompaigné de plusieurs Evesques et gardans les ceremonyes eclesiastiques. Durant la­quelle messe se faisoit le sermon, au cimetiere dud. Sainct Gervais, par monsr Maillart.
A laquelle messe et procession assistèrent mes­seigneurs de la court de Parlement, vestuz de leurs robbes d'escarlate et mess" les Prevost des Marchans et Eschevins, vesluz de leurs robbes my parties, plusieurs Conseillers, Quarteniers et quatre bour­geois de chascun quartier mandez, vestuz de leurs bons habitz.
Laquelle Ville s'estoit assemblée en l'Ostel d'icelle avec les trois nombres d'archers, arbalestriers et hac-
quebutiers, qui servoient de mectre ordre et eviter à la foulle du peuple. Et fut lad. Ville la premiere en lad. eglise Sainct Gervais, environ neuf heures du matin. Et partit lad. Court du Pallais, sans aller à Nostre Dame; vindrent en lad. eglise Sainct Ger­vais; et estoit assise lad. Court dedans le cueur du costé dextre, et lad. Ville du costé senestre, ès haultes chaizes.
Et après lad. messe dicte et célébrée, allerent tous en procession le long de la rue Sainct Anthoine jusques à la rue des Ballais; et remontèrent le long d'icelle jusques au coing de la rue des Juifz, derriere le petit Sainct Anthoine, en portant plusieurs beaulx reliquaires, et mesme une ymage de Nostre Dame d'argent qui fut icelle beniste par led. Legat et par luy mise et posée au coing de la rue des Juifz, où le feu Roy en avoit autresfoys mis une d'argent, pour reparer, pour la seconde foys, l'injure faicte par meschantz heretiques à une autre ymage Nostre Dame qui estoit aud. lieu, qui avoit esté rompue et cassée -1'.
CCLXXXVUl [CCXXXVII].— Lettres missives du Roy.
3i décembre i55i. (Fol. 25i v°.)
Du dernier jour de Decembre mil v° cinquante et ung.
Aujourd'huy, ont esté apportées certaines lettres missives du Roy, dont la teneur ensuit :
k A noz très chers et bien aînez les Eschevins, Conseil­lers, bourgeois, manans et habitans de nostre bonne ville et cité de Paris.
26 décembre 1551.
"De par le Roy. «Très chers et bien amez, nous avons advisé que pour recouvrer plus facillement argent de la vente
de nostre dommaine et aydes, que nous avons or­donné estre faicte en la généralité d'oultre Seyne et Yonne, pour subvenir à la grande despence que nous avons à supporter l'année prochaine, pour ré­sister aux entreprinses de l'Empereur, il nous est besoing retirer de vous toutes les fermes des gros et huitiesmes de la banlieue, et des quartiers de Hure­poix, la Brye et de la France, qui vous ont esté avec autres fermes de nostre ville de Paris vendues et allienées, à faculté de rachapt perpétuel, par feu nostre très honnoré seigneur et pere, que Dieu absolve, et au lieu desd, fermes vous bailler par
O Cette mutilation avait eu lieu dans la nuit du dimanche i3 au lundi 14 décembre précédent. Le Parlement s'occupa de cette affaire dans la séance du Conseil du 17 décembre et décida ce qui suit : "Pour avoir preuve et proceder à la punition exemplaire et execution du scandaleux opprobre commis... en l'image de la Vierge Marie estant derriere l'eglise du Petit Sainct Anthoine, a esté enjoinct à l'Evesque de Paris, present, décerner et faire publier monitoires et censures à fin de revelation par tous les prosnes des eglises de son diocèse; et pareillement au Lieutenant criminel de la Prevosté de Paris, pour ce mandé, de enquerir en.toute diligence des delinquans, les prendre et appréhender, et proceder contre eulx à punition exemplaire» (Archives nat., X1" 1571, fol. 107 v°)-Le 27 décembre, l'Evêque de Paris vint de nouveau à la cour et lui communiqua des lettres missives du roi, datées de Blois, le 18 décembre, ordonnant la procession générale relatée ici. Le Parlement lit transcrire les lettres sur son registre et prit les mesures nécessaires pour en assurer l'exécution (Id., fol. n5 v°). Voir aussi dom Félibien, Histoirede la ville de Paris, t. IV (Preuves, t. II), p. 755.